Baldvin Björn lagði mikið af mörkum til að skapa vettvang fyrir fyrirtæki sem eflir og greiðir fyrir milliríkjaviðskiptum, bæði á milli Íslands og Frakklands og annarra landa Millilandaráðanna. Hann lagði sig jafnframt fram við að frönsk menning nyti sín hér á landi með óþreytandi seiglu og vinnu í þágu FRÍS.

Baldvin Björn er lögmaður með réttdindi til málflutnings fyrir héraðsdómstólum Landsrétti og Hæstarétti. Hann er með mastersgráðu í alþjóðaviðskiptum frá ILERI, Paris. Þá er hann með mastersgráðu í alþjóðalögum frá Université de Nice, Frakklandi og málflutningsréttindi í París.

Stjórn FRÍS þakkar Baldvini Birni fyrir hans framlag og óeigingjarnt starf í þágu FRÍS.

Á meðfylgjandi myndum má sjá Baldvin Björn með núverandi stjórn FRÍS, með stjórn og núverandi og fyrrverandi framkvæmdastjórum Millilandaráðanna/FRÍS og með eiginkonu sinni Guðrúnu Elfu.