Bresk-íslenska viðskiptaráðið, í samvinnu við BBA//Fjeldco í London, býður aðildarfélögum sínum í morgunkaffi og umræður um komandi þingkosningar í Bretlandi.

Staðsetning: Hús Atvinnulífsins, Borgartúni 35

Dagur: Þriðjudaginn 11.júní

Tími: 08:30-09:30

Þann 22. maí síðastliðinn boðaði Rishi Sunak, forsætisráðherra Bretlands og leiðtogi Íhaldsflokksins, óvænt til kosninga þann 4. júlí næstkomandi en kjörtímabilið rennur út í lok árs og Sunak hefði geta beðið með kosningar fram í janúar. Ríkisstjórnin hefur komið afar illa út í könnunum og beið ósigur í bæjar- og sveitarstjórnarkosningunum fyrr í maímánuði. Flestir bjuggust því við að Sunak myndi bíða með kosningar fram á haust í þeirri von að efnahagurinn myndi rétta úr kútnum.

Chris Mason, ritstjóri stjórnmálafréttasviðs BBC, segir að líklega sé skýringin fyrir tímasetningu kosninganna að Sunak óttist að staða Íhaldsflokksins geti versnað enn frekar.

Keir Starmer, leiðtogi Verkamannaflokksins, segir að kosningarnar séu tækifærið sem þjóðin hafi beðið eftir.

Þrír sérfræðingar í breskum stjórnmálum, Bogi Ágústsson, Halla Gunnarsdóttir og Andrés Magnússon kryfja stöðu mála á morgunfundi í Borgartúni 35 þar sem léttar veitingar verða í boði BBA//Fjeldco. 

Vinsamlegast skráið mætingu með því að smella hér.

Það er hægt að gerast félagi í Bresk-íslenska viðskiptaráðinu með því að smella hér. Við vekjum athygli á að gjald fyrir ársaðild er aðeins:

Einstaklingar:    15.000 ISK

Fyrirtæki (færri en 100 starfsmenn):    25.000 ISK

Stærri fyrirtæki (fleiri en 100 starfsmenn):    50.000 ISK