Þegar Joe Biden tók við embætti sem forseti Bandaríkjanna lá fyrir langur verkefnalisti. Meðal þeirra mála sem nýr forseti vildi leggja áherslu á var baráttan við heimsfaraldurinn og auknar bólusetningar Bandaríkjamanna, öflugar aðgerðir til að ná hröðum efnahagslegum bata, endurskoðun á loftlagsstefnu Bandaríkjanna, sem og á hernaðarlegum umsvifum Bandaríkjanna.
Á morgunfundi Amerísk-íslenska viðskiptaráðsins 28. apríl 2021 (sem var streymt sökum samkomutakmarkana) fjallaði þríeykið okkar góða, Silja Bára Ómarsdóttir, prófessor, Friðjón Friðjónsson, framkvæmdastjóri og Ragnheiður Elín Árnadóttir, stjórnarmaður í AMÍS, um stöðuna, árangurinn og lögðu mat á áhrifin sem stefna forsetans og fyrstu 100 dagar hans í embætti höfðu haft á íslenska hagkerfið.
Sérstakur gestur fundarins var Birna Ósk Einarsdóttir, framkvæmdastjóri sölu- og þjónustusviðs Icelandair og stjórnarmaður í AMÍS.
