Þér er boðið á stofnfund Kanadísk-íslenska viðskiptaráðsins (CAIS) sem fer fram fimmtudaginn 20. mars kl. 17 í Húsi Atvinnulífsins, Borgartúni 35, Reykjavík.

Markmið ráðsins verður að efla og viðhalda viðskiptatengslum milli Kanada og Íslands, ásamt því að efla tengsl á sviðum menntunar, menningar og viðskipta.

Í samræmi við markmið ráðsins mun ráðið m.a. vinna að eftirfarandi:

• Skipuleggja fundi og ráðstefnur er varða almenn málefni milli landanna tveggja.
• Skipuleggja heimsóknir aðila í viðskiptalífinu til beggja landa, t.d. viðskiptasendinefndir.
• Standa vörð um viðskiptatengda hagsmuni félaga sinna gagnvart kanadískum og íslenskum yfirvöldum.

Til þess að verða stofnfélagi að CAIS er hægt að skrá einstaklinga og fyrirtæki í aðild að ráðinu, vinsamlega ýttu á rauða hnappinn hér fyrir neðan eða skráðu þig hér: www.cais.is 

Dagskrá fundarins er:

1. Hlynur Guðjónsson, sendiherra Íslands í Kanada opnar fundinn.
2. Ársæll Harðarson, formaður stjórnar Millilandaráðanna
3. Kosning fundarstjóra og ritara fundarins
4. Kosning stjórnar
5. Kosning formanns stjórnar
6. Samþykktir
7. Ákvörðun árgjalda
8. Stofnun Kanadísk-íslenska viðskiptaráðsins
9. Jenny Hill, sendiherra Kanada á Íslandi ávarpar fundinn. 

Að dagskrá lokinni býður kanadíska sendiráðið gestum upp á léttar veitingar

Skráning hér: https://docs.google.com/forms/d/e/1FAIpQLSdAApk6T0HUmKEy5Z2tNiyoWRddfKDkhGx5S68tdBVS48EN2Q/viewform