Bresk-íslenska viðskiptaráðið, í samstarfi við Viðskiptaráð Íslands, Íslandsstofu og Samtök iðnaðarins, stóð fyrir vel heppnaðri ferð til London dagana 5. og 6. október 2022. Yfirskrift ferðarinnar var "Health & Wellness" og voru þátttakendur í ferðinni fulltrúar tíu íslenskra fyrirtækja sem framleiða heilsu- og snyrtivörur.

Eftirtalin fyrirtækin, sem öll eru félagar í Bresk-íslenska viðskiptaráðinu, tóku þátt:

- Angan Skincare
- ChitoCare (Primex)
- Dropi
- Eylíf
- Feel Iceland
- GeoSilica
- Íslensk hollusta
- Lýsi
- Saga Natura
- Sóley Organics 

Fulltrúar hinna íslensku fyrirtækja kynntu vörur sínar og starfsemi fyrir erlendum fjárfestum og smásöluaðilum á breskum markaði. Hópurinn heimsótti Pantechnicon London, John Bell & Croyden, Selfridges og Lundúnaskrifstofu Alvogen.

Nánar má lesa um ferðina á vef Viðskiptaráðs Íslands. Myndir frá ferðinni má finna hér.